Num 8 | Ndebele | STEP | IN kosi yasikhuluma kuMozisi isithi:

n3:45, 16:9

o 3:12,45

p Eks 13:2

q 3:9

r 1:53

s8:7, 19:12,13,20

t 4:3; 1 Lan 23:3,24,27

u 1:53

Numbers 8

UAroni umisa izibane

1 INkosi yasikhuluma kuMozisi isithi: 2 Tshono kuAroni uthi kuye: Nxa ulumathisa izibane ^a, izibane eziyisikhombisa zizakhanyisa ngaphambili phambi koluthi lwesibane. 3 UAroni wasesenza njalo; ngaphambili phambi koluthi lwesibane walumathisa izibane ^b zalo, njengokulaya kweNkosi kuMozisi. 4 Lalo umsebenzi woluthi lwesibane wawungowegolide elikhandiweyo ^c, kuze kube sesidindini salo kuze kuye emalubeni alo lwalukhandiwe ^d; njengesifanekiso iNkosi eyamtshengisa sona uMozisi, walwenza njalo uluthi lwesibane ^e.

Ukwehlukaniswa kwamaLevi

5 INkosi yasikhuluma kuMozisi isithi: 6 Khupha amaLevi phakathi kwabantwana bakoIsrayeli, uwahlambulule; 7 wenze ngokunjalo kuwo ukuwahlambulula; ufafaze phezu kwawo amanzi okuhlambulula ^f, njalo adlulise impuco emzimbeni wawo wonke, awatshe izigqoko zawo, azihlambulule ^g. 8 Athathe ijongosi ithole lenkomo, lomnikelo walo wokudla, impuphu ecolekileyo ixubene lamafutha, uthathe lelinye ijongosi ithole lenkomo, libe ngumnikelo wesono ^h. 9 Njalo uzasondeza amaLevi phambi kwethente lenhlangano ⁱ, ubuthanise inhlangano yonke yabantwana bakoIsrayeli ^j. 10 Usondeze amaLevi phambi kweNkosi, njalo abantwana bakoIsrayeli bazabeka izandla zabo phezu kwamaLevi ^k, 11 loAroni azunguze amaLevi, abe ngumnikelo wokuzunguzwa phambi kweNkosi, evela ebantwaneni bakoIsrayeli, ukuze abe ngasebenza umsebenzi weNkosi. 12 AmaLevi azabeka-ke izandla zawo enhlokweni yamajongosi ^l; unikele elinye libe ngumnikelo wesono, lelinye libe ngumnikelo wokutshiswa eNkosini, ukuwenzela amaLevi inhlawulo yokuthula ^m. 13 Njalo uzawamisa amaLevi phambi kukaAroni laphambi kwamadodana akhe, uwazunguze abe ngumnikelo wokuzunguzwa eNkosini. 14 Ngakho uzakwehlukanisa amaLevi uwakhuphe phakathi kwabantwana bakoIsrayeli, ukuthi amaLevi abe ngawami ⁿ. 15 Lemva kwalokho amaLevi azangena ukukhonza ethenteni lenhlangano. Njalo uzawahlambulula, uwazunguze abe ngumnikelo wokuzunguzwa. 16 Ngoba wona aphiwe lokuphiwa mina ephuma phakathi kwabantwana bakoIsrayeli. Esikhundleni salokho okuvula sonke isizalo, izibulo laye wonke wabantwana bakoIsrayeli, ngizithathele wona ^o. 17 Ngoba lonke izibulo phakathi kwabantwana bakoIsrayeli ngelami, phakathi kwabantu laphakathi kwezifuyo ^p. Ngosuku engatshaya ngalo lonke izibulo elizweni leGibhithe ngazingcwelisela wona; 18 sengithethe amaLevi esikhundleni sawo wonke amazibulo phakathi kwabantwana bakoIsrayeli. 19 Ngiwanikile amaLevi njengabaphiweyo kuAroni lakumadodana akhe, ephuma phakathi kwabantwana bakoIsrayeli ^q, ukukhonza inkonzo yabantwana bakoIsrayeli ethenteni lenhlangano, lokwenzela abantwana bakoIsrayeli inhlawulo yokuthula, ukuze kungabi lenhlupheko phakathi kwabantwana bakoIsrayeli, nxa abantwana bakoIsrayeli besondela endlini engcwele ^r. 20 UMozisi loAroni lenhlangano yonke yabantwana bakoIsrayeli basebesenza kumaLevi njengakho konke iNkosi eyakulaya uMozisi mayelana lamaLevi; benza njalo abantwana bakoIsrayeli kuwo. 21 LamaLevi azihlambulula, ahlamba izembatho zawo; uAroni wasewazunguza aba ngumnikelo wokuzunguzwa phambi kweNkosi; loAroni wawenzela inhlawulo yokuthula ukuwahlambulula ^s. 22 Lemva kwalokho amaLevi angena ukwenza inkonzo yawo ethenteni lenhlangano phambi kukaAroni laphambi kwamadodana akhe. Njengalokhu iNkosi yamlaya uMozisi ngamaLevi, benza njalo kuwo.

Iminyaka yokusebenza kwamaLevi

23 INkosi yasikhuluma kuMozisi isithi: 24 Yilokhu okuqondene lamaLevi: Kusukela koleminyaka engamatshumi amabili lanhlanu langaphezulu azangena ukukhonza inkonzo, enkonzweni yethente lenhlangano ^t. 25 Njalo kusukela koleminyaka engamatshumi amahlanu azaphuma enkonzweni yenkonzo, angabe esasebenza; 26 kodwa azasiza abazalwane bawo ethenteni lenhlangano ukugcina umlindo, kodwa angasebenzi umsebenzi. Uzakwenza njalo kumaLevi kumfanelo zawo ^u.